BONGOTRACK

Msanii wa muziki wa kizazi kipya nchini Sam Wa Ukweli, anashukuru management mpya ya Aljazeera Entertainment kwa kusimamia kazi zake kwa sasa,ambayo hapo awali ilikuwa inasimamia kazi za Diamond. Akiongea na DarTalk Sam alisema ‘’Ninamshukuru Mungu kwa kuwa chini ya Menejimenti ya Aljazeera Entertainment, natarajia kuachia albam yangu ya pili hivi karibuni ambayo ndani yake kutakua na wasanii wakali ambao wananipa sapoti, kama vile Linex, Barnaba, Linah, Kidumu kutoka kenya pamoja na wasanii wengine kibao’’. Vilevile aliendelea kusema anatarajia kuachia nyimbo mbili kila mwaka ambazo ni kali, hivyo anaomba mashabiki wake kukaa tayari kwa kuipokea albam hiyo pamoja na video. Msanii huyo anatamba na nyimbo zake kali kutoka kwenye albam yake ya kwanza ambazo ni ‘Sina raha’ pamoja na ‘Hata kwetu wapo’, nyimbo zilimtambulisha vizuri kwenye gemu la muziki wa kizazi kipya.